1 ივნისს, ბავშვთა დაცვის საერთაშორისო დღესთან დაკავშირებით, „მზიურში“ გაიმართება მზის ყოველწლიური ზეიმი „ჩვენ ვხედავთ მზეს – 2008.
ღონისძიების ორგანიზატორია საინიციატივო ჯგუფი ანა გოგუაძის ხელმძღვანელობით. პროექტის ფარგლებში დაგეგმილია სხვადასხვა სახის გასართობი და საბავშვო ღონისძიებები.
ზეიმი, რომელიც წელს მესამედ ტარდება, არის ყველა ბავშვისთვის, მათი სოციალური, ფიზიკური ან გონებრივი შესაძლებლობების მიუხედავად.
წლევანდელი ზეიმის 4 ძირითადი მიზანია:
1. უდედმამო და ინვალიდ ბავშვთა დახმარება საზოგადოებასთან ადაპტაციაში;
2. ზრუნვა “მზიურზე”, – რომ მალე იგი ნოდარ დუმბაძის ოცნების ადგილად, ბავშვთა ქალაქად გადაიქცეს;
3. ნოდარ დუმბაძის შემოქმედების გახსენება;
4. დაარწმუნოს ყველა, რომ სურვილის შემთხვევაში, ”სასწაული ხდება”;
ზეიმიs სახელწოდებაა ”ჩვენ ვხედავთ მზეს”, მისი სლოგანი კი ყოველ წელს იცვლება: ”გაგვიღიმეთ” (2006), ”სიყვარული ყველგან არის” (2007) და ”სასწაული ხდება” (2008). სლოგანი იბეჭდება დროშებზე, ამ თემაზე ბავშვები ხატავენ და ნახატები გამოიფინება მზიურის ტერიტორიაზე. სლოგანი, მთელი ღონისძიების ლეიტმოტივია.
2008 წელს პროექტის გენერალური სპონსორია „სახალხო ბანკი“. ზეიმზე მოწვეული არიან წყნეთის მზურნველობამოკლებული ბავშვები (სულ 100 ბავშვი). მათ გადაეცემათ სპეციალურად მათთვის მომზადებული საჩუქრები. იმის გამო, რომ ღონისძიება 4 საათი (2–დან 6 საათამდე) გრძელდება, ბავშვები უზრუნველყოფილი არიან საკვებითა და სასმელებით.
წლევანდელი ზეიმი კიდევ ერთი მიზეზითაა განსაკუთრებული – 2008 წელს ნოდარ დუმბაძეს 80 წელი შეუსრულდებოდა. ამ თარიღთან დაკავშირებით არაერთი ღონისძიებაა დაგეგმილი:
• მთელი დღის განმავლობაში მზიურის ტერიტორიაზე ირბენს და ბავშვებს გაართობს უზარმაზარი თოჯინა – მზე.
• მოეწყობა გამოფენა თემაზე “ჩვენ ვხედავთ მზეს”- სასწაული ხდება. მოეწყობა ბავშვთა ნახატების გამოფენა, სადაც ნებისმიერ ბავშვს შეუძლია მოიტანოს და გამოფინოს საკუთარი თემატური ნახატები.
• დაგეგმილია ასფალტზე ფერადი ცარცებით ხატვა.
• „ჩვენ ვხედავთ მზეს 2006“ და 2007–ის ზეიმის ამსახველო ფოტოების გამოფენა.
• 16:00 საათზე დაიწყება კონცერტი, რომელშიც მონაწილეობen ბავშვთა ანსამბლის ”ბომბორას” და ხელოვნების საყმაწვილო ცენტრის, „ART ჰოლი“-ს წევრები.
• ნოდარ დუმბაძის ლექსების თეატრალიზებულად კითხვა.
• “ზალიკო სულაკაურის სამხატვრო სკოლის” აღსაზრდელები დაეხმარებიან ხატვის მსურველებს. ამ მიზნით, მათთვის დაიდგმება სპეციალური მერხები.
• სამხატვრო სკოლების ბავშვებს გადაეცემათ სპეციალური სიგელები.
• კონცერტს წაიყვანს ზაალ წულუკიძე, იგივე „ვინი“ .
პროექტის გენერალური სპონსორია „სახალხო ბანკი“, პარტნიორები: „ვისოლი“, „კაუკასუს ონლაინი“, www.eva.ge „იოლი“, ქართულ–ამერიკული უნივერსიტეტი (GAU) UGT
ბოკელებს ველით მზიურში დღის 2 საათიდან, იმედი მაქვს შარშანდელივით გადაიღებთ ფოტოებს.
