12 მარტს, 17 საათზე გაიმართება ჩვენი საყვარელი ფოტოგრაფის პაატა ვარდანაშვილის, იგივე Paatavar-ის პირველი პერსონალური გამოფენა , სახელწოდებით

გავაპიაროთ საქართველო




”ჩვენი მიზანია, ხელი შევუწყოთ პიარის პოპულარიზაციას და პიარის განმარტების სწორ ინტერპრეტირებას საზოგადოებაში. პაატა ვარდანაშვილის გამოფენაც სწორედ ამ მისიას ემსახურება. პიარ სკოლაში წარმოდგენილი იქნება საქართველოს სხვადასხვა კუთხეების, ისტორიული საინგილოსა და ტაო-კლარჯეთის ფოტოები,” - აცხადებს პიარ სკოლის მენეჯერი თინათინ სამყურაშვილი.

პაატა ვარდანაშვილი ერთ-ერთი ნიჭიერი ფოტოგრაფია, რომელმაც მთელი საქართველო მოიარა და ქვეყნის ყველა კუთხე ობიექტივით აღბეჭდა. პოპულარობას საკუთარი ინტერნეტ გვერდის www.paata.ge - ს საშუალებით მიაღწია. მას უკვე იცნობენ თურქეთში, შოტლანდიაში, გერმანიასა და უკრაინაში, სადაც მისი გამოფენები გაიმართა.

გამოფენის ჩატარების ადგილი: ქართულ-ამერიკული უნივერისტეტი (GAU), ჭავჭავაძის 17ა