სამშენებლო კომპანია "ოლიმპიური ვარსკვლავის" და მისი ხელმძღვანელი ზაზა რაზიკაშვილის უდიდესი თანადგომით 2008 წლის 26 ივნისს, 18:00 საათზე, თბილისში, ბავშვთა ქალაქ მზიურში გაიმართება “ხევსურული საღამო”. საღამო წელს მეორედ ტარდება და ტრადიციულად ყოველი წლის 26 ივნისს გაიმართება. ორგანიზატორები არიან ფშავ-ხევსურეთის აღორძინების საქველმოქმედო ფონდი “ფხოვი” და www.paata.ge გასულ წელს ამ საღამომ გამოიწვია უდიდესი ინტერესი მთელ საქართველოში და წელს უკვე მონაწილეობას ღებულობენ არა მხოლოდ ხევსურები, არამედ საქართველოს სხვა მთიანი რეგიონების წარმომადგენლები. ჩვენი სურვილია, მომავალი წლიდან ღონისძიება უფრო მასშტაბური გახდეს და საქართველოს მთის ყოველი რეგიონი მოიცვას, ხოლო დედაქალაქსა და მის სტუმრებს კიდევ ერთი ლამაზი საღამო ვაჩუქოთ. საღამო ქართული მთის კულტურის ერთგვარი პრეზენტაციაა, რაც თავისთავად ხელს უწყობს ტურიზმის განვითარებას მთიან რეგიონებში. შემოსული თანხის დიდი ნაწილი მოხმარდება შატილის საჯარო სკოლა-პანსიონის კეთილმოწყობას. პანსიონში არის თანამგზავრული ინტერნეტი, რომელიც არის ერთადერთი საკომუნიკაციო საშუალება პირიქითა ხევსურეთის გარე სამყაროსთან დასაკავშირებლად (მოგახსენებთ პირიქითა ხევსურეთში არ არის ფიჭური კავშირგაბმულობის დაფარვის ზონა). ამ თანხით მოხერხდება ინტერნეტის სააბონენტო ხარჯების დაფარვა.
შარშანდელმა საღამომ მართლაც წარუშლელი შთაბეჭდილება დატოვა და დიდი სიამოვნებაც მოგვანიჭა, იმედია წელს კიდევ უფრო მეტ დადებით ემოციას მივიღებთ, ნამდვილად ვურჩევ ყველას ვინც ამ ღონისძიებას აქმდე არ დასწრებია წავიდეს მზიურში.....
ხევსურული საღამო მზიურში, 26 ივნისი, 2008 წელი
Jun 19 2008, 10:59
Photographer 
Amateur+ 
Amateur 
NewBie 
: ))
