ამასწინ პირველ არხზე "წითელ ზონას" ვუყურებდი. გოგი გვახარია თავის სტუმრებთან ერთად მედიის თავისუფლებაზე, უფლებებსა და ფასეულობებზე საუბრობდა.
შეიძლება თუ არა, რომ თავისუფლება ნიშნავდეს უფლებების გადამეტებას? რა თქმა უნდა. მე იმას ვერ ვიტყვი, რომ ჟურნალისტებს მორალი არ აქვთ, მაგრამ ფაქტია, რომ ისინი ბევრ რამეს კადრულობენ ფულის გულისთვის.
როდესაც მედიაზე ვსაუბრობთ, არ უნდა დაგვავიწყდეს საზოგადოებრივი ინტერესებიც. მოგეხსენებათ, არავინ "იყიდის" იმ გაზეთსა თუ სატელევიზიო გადაცემას, რომელიც მაყურებლის ინტერესებს არ დააკმაყოფილებს. სწორედ საზოგადოებრივ განვითარებაზეა დამოკიდებული მედიის განვითარება. თუმცა, ჩემი აზრით, ეს პირიქითაც შეიძლება მოხდეს.
"რადიო თავისუფლების" გადაცემის შემდეგ გოგი გვახარიამ ტელე-ეკრანზე გერმანული ფილმი, "კატარინა ბლუმის შერაცხული ღირსება", აჩვენა. ამ ფილმში ნათლად ჩანს თუ რამხელა პასუხისმგებლობა აქვს ჟურნალისტს და როგორ მოქმედებს ადამიანზე მედიის "თამაში".

ახლა კი მოგახსენბთ იმას, რის გამოც ამ თემის გახსნა გადავწყვიტე. მინტერესებს თუ არსებობს ზოგადად მედიის, ჟურნალისტთა ან ფოტოგრაფთა კოდექსი.
მე მინდა გავიხსენო ერთი ფოტო-გამოფენა, რომელიც ერთმა აქტიურმა ბოკელმა და არც თუ ისე ცუდმა ფოტოგრაფმა შარშან თუ შარშAნწინ გააკეთა. გამოფენის თემატიკა სულით დაავადებულთა ცხოვრებას ეხებოდა. ავტორმა გადაიღო ავადმყოფები და საზოგადოებას წარუდგინა მათი ცხოვრება. ამ გამოფენამ ხალხში დიდი აღტაცება გამოიწვია. დიახ სწორედ ასე, ამ წინადადებაში ეტევა და ნათლად ჩანს საზოგადოების აზრი. მე დღემდე მიკვირს ვინ მისცა ფოტოგრაფს საავადმყოფოში შესვლის და გადაღების ნებართვა. ასევე, მაინტერესებს რა უფლებით გამოფინა ავტორმა ეს ფოტები ხალხში? იქნებ გამოდგეს ვინმე ჭკვიანი და მითხრას, რომ მან ნებართვა პაციენტებისგან აიღო.

ეს ფაქტი, ჩემი აზრით, ადამიანთა უფლებების დარღვევის სამწუხარო მაგალითია.

მოკლედ, მაინტერესებს რა მოვალეობები და ვალდებულებები აქვს ფოტოგრაფს, არსებობს თუ არა ფოტოგრაფთა კოდექსი?

მე ასევე მაინტერესებს, ირღვევა თუ არა ადამიანის უფლება, როდესაც მას დაუკითხავად ვუღებთ ფოტოს.

და მოდით განვმარტოთ ტერმინი - პაპარაცი.