http://jobs.ge/geo/25039/
თბილისის უნივერსიტეტი "მეტეხი" ფოტოგრაფებს და დიზაინერებს გთავაზობთ ფოტოკონკურსს განათლების თემაზე კრეატიული რეკლამის შესაქმნელად. შერჩეული ფოტოები განთავსდება უნივერსიტეტის ფოტოგალერეაში, სადაც თქვენ საშუალება გეძლევათ ხმის მიცემის რეჟიმით შეაფასოთ ავტორთა ნამუშევრები, მიანიჭოთ მათ შესაბამისი ქულები და დაგროვილი ხმების რაოდენობის მიხედვით გამოავლინოთ გამარჯვებული.
კონკურსის პირველ ეტაპზე შეირჩევა 20 საუკეთესო რეიტინგის მქონე ნამუშევარი.
კონკურსის მეორე ეტაპზე, მოწვეული ჟიურის მიერ, შეირჩევა სამი საუკეთესო ფოტო, რომელთა შორის გამარჯვებულ ავტორს საპრიზო თანხა, ხოლო მეორე და მესამე ადგილზე გასულ მონაწილეებს სპეციალური საჩუქრები გადაემათ.
კონკურსში გამარჯვებული მონაწილისთვის საპრიზო ფონდი შეადგენს 500 ლარს.
საკონკურსო მოთხოვნები:
ფოტოები მიიღება მხოლოდ ციფრულ ფორმატში. გამოგზავნილი ფოტოს ზომა არ უნდა იყოს 900 x 600 პიქსელზე ნაკლები. ავტორს აუცილებლად უნდა მოეპოვებოდეს მაღალი ხარისხის ორიგინალი. ფოტონამუშევრები სასურველია იყოს უმაღლესი განათლების თემაზე. გთხოვთ, ნამუშევარს მიუთითოთ თქვენი სახელი, გვარი და საკონტაქტო ინფორმაცია.
ფოტოები მიიღება ელექტრონულ მისამართზე: pr@metekhiuni.edu.ge 2010 წლის 1 ოქტომბრის 18 საათამდე.
დამატებითი ინფორმაციისთვის მიმართეთ ვებ-გვერდს: http://www.metekhiuni.edu.ge