2009 წლის 26 ივნისს, 17:00 საათზე, ბავშვთა ქალაქ მზიურში კომპანია „მაგთიკომის“ მხარდაჭერით და ტურისტული სააგენტო www.paata.ge-ს ორგანიზებით გაიმართება „მაგთის ხევსურული საღამო“ - მთის საჩუქარი ბარს.
მონაწილეობენ საქართველოს მთის რეგიონში მცხოვრები პოეტები, მომღერლები, მოცეკვავეები, ფოლკლორისტები. გამოიფინება მთის ცხოვრებისა და ბუნების ამსახველი ფოტოები, წარმოდგენილი იქნება საქართველოს მთიანეთისათვის დამახასიათებელი ხალხური რეწვის ნიმუშები. სპეციალურად საღამოსთვის დამზადდება ხევსურული ლუდი. გაიმართება ხევსური პოეტის გელა დაიაურის ლექსების კრებულისა და ქისტი მომღერლის სულთან ბორჩაშვილის მუსიკალური ალბომის პრეზენტაცია.
საღამო საქართველოს მთიანეთის ერთგვარი წარდგენაა, რაც თავისთავად ხელს უწყობს ტურიზმის განვითარებას მთიან რეგიონებში.
თუ თბილისელები და დედაქალაქის სტუმრები ვერ მიდიან მთაში, მთა თავად მოდის მათთან!
დასწრება თავისუფალია
