ფოტოკონკურსის ინიციატორი სპორტის და ახალგაზრდობის საქმეთა სამინისტროა. კონკურსის ძირითადი მიზანი ცხოვრების ჯანსაღი წესის პროპაგანდა და ახალგაზრდა ფოტოხელოვანების წახალისებაა. ფოტოკონკურსის მონაწილეები 5 ნომინაციით დაჯილდოვდებიან. თითოეული ნომინაციაში გამარჯვებულს გადაეცემა პრიზი 500 ლარის ოდენობით. ნომინაციები:

1. სპორტი

2. ჯანსაღი ცხოვრების წესის პროპაგანდა

3. ქართული ტრადიცია

4. პორტრეტი

5. მოგზაური - ეს ნომინაცია დააწესა გენერალურმა სპონსორმა - კომპანიამ "გალფი“

ერთ კონკურსანტს შეუძლია ატვირთოს მაქსიმუმ 5 ფოტო. ფოტოს მაქსიმალური რეზოლუცია 800X600 PX. ფოტონამუშევრების საიტზე ატვირთვა 23 დეკემბერს დასრულდება.

საიტზე ხმების რაოდენობის მიხედვით არჩეული 100 ფოტო დაიბეჭდება A3 ფორმატში და 27 დეკემბერს, ერთი დღის განმავლობაში გამოიფინება საგამოფენო ცენტრ “ვერნისაჟის” დარბაზში (მისამართი: ძმები ზუბალაშვილების 7, პარლამენტის შენობასთან) ფოტოგამოფენის დასასრულს კომპეტენტური ჟიური გამოავლენს 5 ნომინაციაში გამარჯვებულ 5 ნამუშევარს (ერთი გამარჯვებული ერთ ნომინაციაში) ფოტოკონკურსის ორგანიზატორები უფლებას იტოვებენ არათემატური სურათები არ მოხსნან საიტიდან.

ფოტოკონკურსის ორგანიზატორია სპორტის და ახალგაზრდობის საქმეთა სამინისტრო გენერალური სპონსორია კომპანია „გალფი“

ჟიურის წევრები:

1. დავით მძინარიშვილი - საინფორმაციო სააგენტო „როიტერის“ ფოტოკორესპონდენტი

2. ლელი ბლაგონრავოვა - “იუნესკოს” ფოტოგრაფი

3. თამარ ყულუმბეგაშვილი - სპორტის და ახალგაზრდობის საქმეთა სამინისტროს ფოტოგრაფი

4. სალომე ბენიძე - სპორტის და ახალგაზრდობის საქმეთა სამინისტროს აპარატის უფროსი

5. ლაშა თევზაძე - კომპანია “გალფის“ მარკეტინგისა და საზოგადოებასთან ურთიერთობის მენეჯერი






http://msy.gov.ge