[ ] · · საავტორო უფლების დრღვევის კიდევ ერთი მაგალითი

[apachi]

გაზეთმა "საქართველოს რესპუბლიკა"-მ მის სტატიაში საით მივყავართ მატარებლის ლიანდაგს
(რაღაც ამდაგვარი) უკითხავად/უნებართვოდ გამოიყენა ჩემი ეს ფოტო

http://www.boke.ge/forum/?img=98498


ვინმეს ხო არგაქვთ რაიმე საკონტაქტო ამ ხალხის

[Magdu]

ამონარიდი კანონიდან "საავტორო და მომიჯნავე უფლებების შესახებ"

მუხლი 17. ნაწარმოების ავტორის პირადი არაქონებრივი უფლებები
1. ნაწარმოების ავტორის პირადი არაქონებრივი უფლებებია:
ა) აღიარებულ იქნეს ნაწარმოების ავტორად და მოითხოვოს ასეთი აღიარება ნაწარმოების ყოველ ეგზემპლარზე ან/და ნებისმიერი სახით გამოყენებისას, სათანადო წესით, ავტორის სახელის მითითების მოთხოვნის უფლების ჩათვლით (ავტორობის უფლება);
-------------------------------------------------------
მუხლი 18. ნაწარმოების ავტორის ქონებრივი უფლებები
1. ავტორს ან საავტორო უფლების სხვა მფლობელს აქვს ნაწარმოების ნებისმიერი სახით გამოყენების განსაკუთრებული უფლება.
2. ნაწარმოების გამოყენების განსაკუთრებული უფლება ნიშნავს უფლებას, განახორციელოს, ნება დართოს ან აკრძალოს:
ა) ნაწარმოების რეპროდუცირება (რეპროდუცირების უფლება);
.....
კ) ნაწარმოების სხვაგვარი გამოყენება.
3. ავტორს ან განსაკუთრებული საავტორო უფლების სხვა მფლობელს უფლება აქვს მიიღოს საავტორო ჰონორარი მისი ნაწარმოების ნებისმიერი სახით გამოყენებისათვის (ჰონორარის უფლება).
.....
9. ამ მუხლის მე-2 პუნქტით გათვალისწინებულ ქონებრივ უფლებათა შეზღუდვები განისაზღვრება ამ კანონის 21–28-ე მუხლებით, იმ პირობით, რომ ასეთი შეზღუდვები ხელს არ შეუშლის ნაწარმოების ნორმალურ გამოყენებას და უსაფუძვლოდ არ შელახავს ავტორის ან საავტორო უფლების სხვა მფლობელის კანონიერ ინტერესებს.
-------------------------------------------------------

მუხლი 24. თავისუფალი დასწრებისათვის ღია ადგილებში მუდმივად განლაგებული ნაწარმოების გამოყენება
დაშვებულია თავისუფალი დასწრებისათვის ღია ადგილებში მუდმივად განლაგებულ არქიტექტურულ, ფოტოგრაფიულ, სახვითი ხელოვნების ნაწარმოებთა რეპროდუცირება ან საჯარო გადაცემა ავტორის ან საავტორო უფლების სხვა მფლობელის თანხმობისა და მისთვის საავტორო ჰონორარის გადახდის გარეშე, გარდა იმ შემთხვევებისა, როცა ნაწარმოების გამოსახულება წარმოადგენს ასეთი რეპროდუცირების ან საჯარო გადაცემის ძირითად ობიექტს ანდა გამოიყენება მოგების მიღების მიზნით.
---------------
ბოკე ან/და სხვა საიტი შეიძლება ჩაითვალოს "თავისუფალი დასწრებისათვის ღია ადგილად" და იმის გათვალისწინებით, რომ ნებისმიერი სამეწარმეო საქმიანობა (მათ შორის გაზეთის გამოშვებაც) ორიენტირებულია მოგების მიღებაზე. გაზეთს ფოტო არ უნდა გამოეყენა ავტორის ნებართვის გარეშე.


პ.ს.
ჩემი პოსტი ცოტათი "მშრალია" მაგრამ იმედია გასაგები