Giorgi Lomtadze
ატვირთულია: Jan 14 2011, 01:55
იყო ბურუსი იყო ნისლი.. ჩემი პატარა გოგონა სარკის წინ იჯდა .. ნაწნავს იწნავდა.. უცებ სარკეში მას მოელანდა .. ზღაპარი ერთი.. - "სადღაც იქ კავკასიონზე" სერიის გაგრძელება ; )) - მონატრებული საქართველო
ბურუსი... ბურუსიც ხომ ბუნების და ასევე ცხოვრების მთავარი ნაწილია, რადგან ყველა და ყველაფერი ერთდროს ბურუსშია გახვეული, დგახარ და ფიქრობ წინ წახვიდე თუ არა , არ იცი წინ რა გელის, ხშირად გეშინია ნაბიჯის გადადგმა, ზოგჯერ არც გინდა წინ წასვლა, თითქოს და გსიამოვნებს ერთგვარი, ერთფეროვანი ცხოვრება ანდაც უბრალოდ მობეზრებული გაქვს ეს ყველაფერი, გგონია რომ ახალი არაფერი გელის წინ და თანდათან დრო გადის და კარგავ ამ გასულ დროს.... დრო ... და დროზე ძვირფასი ხომ არაფერია, ეს დრო ხომ იმ ცხოვრების ბედნიერები წამები, წუთები, საათები, დღეები და წლებია რისი გულისთვისაც ღირს ცხოვრება... გამბედაობა... მთავარია გამბედაობა, გადადგა ნაბიჯი წინ არ დაიხიო არაფრის ფასად უკან, შეიძლება რამოდენიმეჯერ არ გაგიმართლოს, გუბეში ფეხი ჩადგა მაგრამ განაგრძე წინსვლა და გაგიმართლებს, აუცილებლად გაგიმართლებს. დადგება ის დგე როდესაც მზე გამოანათებს, იგრძნობ რომ თითქოსდა შენი გულისთვის, შენი გახარებისთვის, იმისთვის რომ ბედნიერება გაგრძნობინოს, გეგონება თითქოსდა ახლიდან აინთოო, თანდათან გული აგენთება და გათბობას დაიწყებ, გაგახურებს, ცეცხლივით მოგეხვევა მისი სხივები, თვალებს დაგიბნელებს მისი ნათება და იგრძნობ რომ ბედნიერი ხარ... მე... მე ვიცი ეს, ვიცი რადგან ვიგრძენი, ვგრძნობ და მინდა სამუდამოდ ვგრძნობდე მის სიახლოვეს, მაგრამ სამწუხაროდ მარადიული ხომ არაფერია ამ წუთისოფელში გარდა ერთისა... ყველა მოკვდავია, ყველაფერი ძველდება და ფერფლად იქცევა ათასწლეულების მანძილზე და ეს... ეს შეჩერებული წამიც, ეს დაბნეული, გზააბნეული კვიციც გაქრება ოდესღაც, მაგრამ სიყვარული არასდროს!... სიყვარული... სიყვარული იქნება ყოველთვის და ყველას გულში, რაც არ უნდა ბოროტი და საშინელი იყოს ადამიანი... "ყველაფერი ხომ სიყვარულიდან მოდის".... ამ კვიცსაც სიყვარული აკავებს აქ მაგრამ ვერ გადაუწყვეტია, ადამიანთა გამთბარ კეთილ გულს გაჰყვეს თუ უკან დაუბრუნდეს დედამისს და თავისი არცთუ ისე ხანგრძელი ცხოვრებით დატკბეს... მეც... მეც სიყვარული მაკავებს აქ. ბოკე... ბოკეს სიყვარული... ფოტოების სიყვარული და კიდევ...... ჩშშშ ჩუმად.... არ თქვა... ისედაც ყველამ ყველაფერი იცის. . .
მადლობა ყველას GL...
გამოხმაურება ბოლოს ჩაასწორა Giorgi Lomtadze: Jan 14 2011, 02:02